«Ֆեսյբուք»-ն արգելափակել է ադրբեջանական օգտահաշիվներ ու էջեր. այդ թվում և «Ինստագրամ»-ի 447 հաշիվ
«Ֆեսյբուք»-ն ադրբեջանական 589 օգտահաշիվ, 7906 էջ և «Ինստագրամ»-ի 447 հաշիվ է արգելափակել: Նշվում է, որ այս հաշիվներն օգտագործել են ոչ իրական անուններ ու արդեն հրապարակված լուսանկարներ:
Հաշիվներն օգտագործվել են ԶԼՄ-ների ու հանային դեմքերի էջերում մեկնաբանություններ գրելու համար։ Մեկնաբանությունները վերաբերել են տեղական և տարածաշրջանային նորություններին, կառավարության քաղաքականությանը, հայ-ադրբեջանական լարվածությանը, Հայաստանի գործողություններին՝ Լեռնային Ղարաբաղում էսկալացիայի ժամանակ, ուղղված են եղել իշխող կուսակցության գովերգմանն ու ընդդիմադիր ուժերի քննադատությանը։
Հիշեցնենք, որ այս մասին տեղեկացրել էր նաև մեդիափորձագետ Սամվել Մարտիրոսյանը:
262