Կատարում ավարտվում է ֆուտբոլի աշխարհի առաջնության 3-րդ տուրի խմբային փուլի հանդիպումները։ G խմբում «Լուսաիլ այկոնիկ» մարզադաշտում պայքարում էին Կամերունի և Բրազիլիայի հավաքականները։ Հանդիպումն ավարտվեց 1։0՝ հօգուտ Կամերունի։ 

53-րդ րոպեին Բրազիլիայի հավաքականի ձախ պաշտպան Ալեքս Տելլեսը ստիպված է եղել լքել խաղադաշտը։ Ֆուտբոլիստը վնասվածքից մի քանի րոպե առաջ արդեն ընդմիջում էր վերցրել, սակայն կարողացավ կարճ ժամանակով շարունակել խաղը։ Նրան փոխարինեց ՊՍԺ-ի պաշտպան Մարկինյոսը։ Թելեսը լքել է խաղադաշտը լացելով՝ շապիկով ծածկելով աչքերը։

Հանդիպման միակ գոլը խփվեց 90+3-րդ րոպեին. Վենսան Աբուբաքարը գլխով փակեց եզրից կատարած փոխանցումը, հանեց մարզաշապիկը, դրա համար դեղին քարտ ստացավ և երկրորդ դեղին քարտի համար հեռացվեց խաղադաշտից։

Բրազիլիան վաստակեց յոթ միավոր և առաջին տեղից դուրս եկավ աշխարհի առաջնության փլեյ-օֆֆ: 1/8 եզրափակիչում Տիտեի թիմը կխաղա Հարավային Կորեայի հետ։ Կամերունը 4 միավորով խմբում զբաղեցրեց երկրորդ տեղը:

571