Հայկական բանակը դիմադրել է, և կարծում եմ, որ բավական լավ է դիմադրել՝ անկախ նրանից, որ ունենք մարդկային և տարածքային կորուստներ: Այս մասին այսօր կառավարության նիստից հետո լրագրողների հետ ճեպազրույցում ասաց Տարածքային կառավարման և ենթակառուցվածքների նախարար Գնել Սանոսյանը՝ անդրադառնալով Գեղարքունիքի և Սյունիքի մարզում՝ հակառակորդի ոտնձգությունների դեմ իրականացրած հայկական կողմի գործողություններին:

«Ասել, որ ոչ մի դիմադրություն չի եղել, առնվազն արդար չէ»,-ասաց նա:

Ինչ վերաբերում է Լաչինի միջանցքի փակման հարցում խաղաղապահների դեմ ուղղված քննադատություններին, ապա նախարարը դա բնական համարեց: «Այն հատվածը, որ փակվել է և այժմ մեր հայրենակիցները չեն կարողանում ազատ տեղաշարժվել, խաղաղապահների հսկողության ներքո է»,-հավելեց նա:

 

449