Երբ Իբրահիմովիչը կհայտարարի կարիերան ավարտելու մասին
Շվեդ հարձակվող Զլատան Իբրահիմովիչը, հնարավոր է, կհայտարարի կարիերան ավարտելու մասին մինչև մրցաշրջանի ավարտը, եթե «Միլան» իտալական ֆուտբոլային ակումբը չերկարաձգի պայմանագիրը, այս մասին հայտնում է Mundo Deportivon-ը՝ վկայակոչելով Gazzeta Dello Sport-ին։
Այս պահին 41-ամյա ֆուտբոլիստն ապաքինվում է ձախ ծնկի վիրահատությունից հետո, որն արել էին 2022 թվականի մայիսին։
Ըստ աղբյուրի՝ լավագույն դեպքում շվեդ հարձակվողը խաղադաշտ դուրս կգա փետրվարի վերջին կամ մարտի սկզբին։ Այս առումով «Միլանը» կարող է չերկարաձգել պայմանագիրը մրցաշրջանի ավարտից հետո։ Եթե դա տեղի ունենա, ըստ Gazzetta dello Sport-ի, հարձակվողը կարող է հայտարարել իր կարիերան ավարտելու մասին: Նշվում է նաև, որ «Միլանը» կցանկանար, որ իր խաղային կարիերայի ավարտից հետո Իբրահիմովիչը դառնա ակումբի դեսպան կամ ինչ-որ պաշտոն ստանձնի մարզչական շտաբում կամ թիմի ղեկավարությունում։
23 Հունվար, 2023 12:06
599