Կառավարության այսօրվա նիստում որոշում կկայացվի Մուշեղ Մուրադյանին Շիրակի մարզպետ նշանակելու մասին:

Կառավարության որոշման մեջ ասվում է. «Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով՝ Հայաստանի Հանրապետության կառավարությունը որոշում է.

Մուշեղ Մուրադյանին նշանակել Հայաստանի Հանրապետության Շիրակի մարզպետ»:

Հարցն օրակարգի չզեկուցվող նախագծերի մեջ է ընդգրկված։ Մուրադյանն «Արփի լիճ» ազգային պարկի տնօրենն է։

Միաժամանակ, կառավարության մեկ այլ որոշմամբ Նազելի Բաղդասարյանը կազատվի մարզպետի պաշտոնից․ նա երեկ պաշտոնից ազատման դիմում է ներկայացրել։