Երկուշաբթի Իրանի ԱԳՆ-ն կանչել է Իսլամական Հանրապետությունում Ուկրաինայի դեսպանին՝ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակի հայտարարությունների կապակցությամբ։

Դեսպանին խնդրել են պարզաբանել Պոդոլյակի հայտարարությունը, որը նախօրեին փաստացի ընդունել է Կիևի մասնակցությունը Սպահանում Իրանի պաշտպանության նախարարության օբյեկտի վրա հարձակմանը, հաղորդում է Tasnim-ը։

Կիրակի օրը Պոդոլյակը թվիթերյան հաղորդագրություն է գրել, որում ևս մեկ անգամ մեղադրել է Իրանին Ուկրաինայի պատերազմական գոտի անօդաչու թռչող սարքեր մատակարարելու մեջ և անուղղակիորեն ընդունել է Կիևի մասնակցությունը Սպահանի վրա հարձակմանը. «Ուկրաինան զգուշացրել էր ձեզ»:

232