Թուրքիայում Ալեն Սիմոնյանը կհանդիպի Մուստաֆա Շենթոփի հետ
ԱԺ նախագահի մամուլի խոսնակ Ծովինար Խաչատրյանը մանրամասներ է հայտնել ԱԺ նախագահ Ալեն Սիմոնյանի Թուրքիա կատարելիք այցի օրակարգից․
«ԱԺ նախագահն այնտեղ ելույթ է ունենալու՝ անդրադառնալով այս պահին ՀՀ-ում իրավիճակին: Նախատեսված է նաև հանդիպում Թուրքիայի Ազգային մեծ ժողովի (ԹԱՄԺ-TBMM) նախագահ Մուստաֆա Շենթոփի հետ»,- ասել է նա
Հիշեցնենք, որ այսօր ՀՀ ԱԺ նախագահ Ալեն Սիմոնյանի գլխավորած պատվիրակությունն մեկնում է Թուրքիա՝ մասնակցելու Սևծովյան տնտեսական համագործակցության խորհրդարանական վեհաժողովի հիմնադրման 30-ամյակին նվիրված գագաթնաժողովին, որին մասնակցելու են անդամ պետությունների խորհրդարանների ղեկավարները, նաև Գլխավոր վեհաժողովի լիագումար նիստ է կայանալու:
03 Մայիս, 2023 15:20
553