Ուկրաինայի հետ սահմանին գտնվող ռուսական Շեբեկինո քաղաքում արկը հարվածել է հանրակացարանի շենքին, այն բռնկվել է, հայտնել է Բելգորոդի նահանգապետ Վյաչեսլավ Գլադկովը իր տելեգրամյան ալիքում։ Քաղաքը կրկին գնդակոծվել է «Գրադ»-ով։

«Հանրակացարանի շենքը հրկիզվում է արկերի անմիջական հարվածից, իսկ վարչական շենքում ավերածություններ կան։ Քաղաքում էլեկտրականություն չկա»,- ասել է նա։

Մարզպետը նաև նշել է, որ սոցցանցերում տարածված տեղեկությունը, թե ավտոբուսում մարդ է մահացել, երկուսը վիրավորվել են, չի հաստատվում. ավտոբուսը եղել է դատարկ։

Միաժամանակ քաղաքում կա մեկ վիրավոր՝ ոտքի բեկորային վնասվածքով։