Մեծ Բրիտանիայի արքայադուստր Էուջենիան հայտնել է մայրանալու մասին (լուսանկարներ)

Յորքի արքայադուստր Էուջենիան, որը Մեծ Բրիտանիայի հանգուցյալ թագուհի Եղիսաբեթ Երկրորդի թոռնուհին է, երկրորդ անգամ մայր է դարձել։

Նա ուրախալի լուրով կիսվել է Instagram-ի իր էջում: Մասնավորապես, նա նորածին երեխայի հետ նկարների շարք է հրապարակել ու գաղտնազերծել նրա անունը։

«Ջեքը և ես ուզում էինք կիսվել այն լուրով, որ մեր փոքրիկ տղան՝ Էռնեստ Ջորջ Ռոննի Բրուքսբենքը, ծնվել է մայիսի 30-ին, առավոտյան ժամը 8:49-ին, 7 ֆունտ 1 ունցիա (3200 գրամ) քաշով»,- գրել է նա։

Արքայադուստրը բացատրել է, որ երեխան ստացել է երկրորդ և երրորդ անունները՝ ի պատիվ իր պապի, նախապապի և նախանախապապի։