ԱՄՆ-ը, Ճապոնիան և Թայվանը իրական ժամանակում կփոխանակեն ծովային հետախուզական անօդաչու սարքերի տվյալները։ Այս մասին հինգշաբթի հայտնել է Financial Times-ը։
ԱՄՆ ռազմական խոսնակը պարբերականին ասել է, որ Ճապոնիայի, Թայվանի և Միացյալ Նահանգների միջև տվյալների փոխանակումը «շատ կարևոր է», թեև Պեկինը «դա կդիտի որպես էսկալացիա»:
Ըստ թերթի՝ ամերիկյան պաշտպանական կապալառու General Atomics Aeronautical Systems-ը մինչև 2025 թվականը չորս MQ-9B Sea Guardian անօդաչու թռչող սարք կմատակարարի Թայբեյին: Դրանով նրանք ինտեգրվելու են տվյալների փոխանակման նույն համակարգին, որն օգտագործվում է ԱՄՆ բանակի և Ճապոնիայի ինքնապաշտպանության ուժերի կողմից:
Թայվանը 1949 թվականից կառավարվում է սեփական վարչակազմի կողմից։ Պեկինի պաշտոնական դիրքորոշման համաձայն, որին աջակցում են երկրների մեծ մասը, այդ թվում՝ Ռուսաստանը, կղզին ՉԺՀ-ի նահանգներից մեկն է։ Չինաստանի և Միացյալ Նահանգների միջև լարվածությունը սրվեց 2022 թվականի օգոստոսին՝ ԱՄՆ Ներկայացուցիչների պալատի այն ժամանակվա խոսնակ Նենսի Փելոսիի Թայվան կատարած այցից հետո։ Չինաստանի Ժողովրդաազատագրական բանակը դրա ավարտից հետո հաջորդ օրը լայնածավալ հրթիռային զորավարժություններ է սկսել Չինաստանի ամենամեծ կղզու ջրերի վեց գոտիներում: