Լիբանանահայերն այրել են Թուրքիայի դրոշն ու Էրդողանի նկարը․ Անկարան արձագանքել է (լուսանկար, տեսանյութ)
Հոկտեմբերի 26-ին Լիբանանի հայերը մայրաքաղաք Բեյրությում բողոքի ակցիա են անցկացրել Թուրքիայի դեսպանատան առջև, գրում է ermenihaber-ը։ Ցուցարարները դատապարտել են Արցախի դեմ ուղղված թուրք-ադրբեջանական ռազմական ագրեսիան և պահանջել դադարեցնել Ադրբեջանի հարձակումը Արցախի վրա: Բողոքի ակցիայի մասնակիցները վանկարկել են. «Էրդողանը ահաբեկիչ է»։ Ներկաները նաև ազգային-ազատագրական երգեր են կատարել:
Ի նշան բողոքի՝ ցուցարարներն այրել են Թուրքիայի, Ադրբեջանի և Իսրայելի դրոշները, ինչպես նաև Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի լուսանկարները։
Թուրքիայի արտգործնախարարությունը գրավոր հայտարարությամբ դատապարտել է Լիբանանում Թուրքիայի դեսպանատան առջև թուրքական դրոշի ու նախագահի լուսանկարն այրելու միջադեպը։
1in.am
29 Հոկտեմբեր, 2020 18:27
1621