Այսօր կառավարությունը քննարկեց ուսուցիչների կամավոր ատեստավորման կարգում  փոփոխություններ իրականացնելու նախագիծը: Նախագիծը ներկայացրեց Կրթության, գիտության, մշակույթի և սպորտի նախարար Ժաննա Անդրեասյանը:

«Մասնավորապես առաջարկվում է 60-65 տոկոս արդյունք ցուցաբերած ուսուցիչների համար դրույքաչափը բարձրացնել 200 հազար դրամի չափով, սրա շնորհիվ 3 տարիների արդյունքով՝  1630 ուսուցիչներ ևս կօգտվեն կամավոր ատեստավորման համակարգով վարձատրության բարձրացումից։ Այսպիսով ընդհանուր առմամբ կունենանք շուրջ 5179 ուսուցիչներ, որոնք կունենան վարձատրության բարձրացում»,- ասաց նա և նշեց, որ որոշ դրույթներ ևս լավարկում են:

 ՀՀ վարչապետ Նիկոլ Փաշինյանը նշեց, որ  նախագծի  նպատակը ուսուցիչներին քաջալերելն է, որ ավելի ակտիվ մասնակցեն ատեստավորմանը։