ՌԴ նախագահի մամուլի քարտուղար Դմիտրի Պեսկովը, մեկնաբանելով Հայաստանի վարչապետ Նիկոլ Փաշինյանի խոսքերը Բաքվի և պատերազմի նախապատրաստության մասին, ասել է, որ ինքը ծանոթ չէ դրանց, պաշտոնական հայտարարություններ են արվում խաղաղության պայմանագրի պատրաստակամության մասին։
Շաբաթ օրը Փաշինյանը ԵԱՀԿ Խորհրդարանական վեհաժողովի Երևանում կայացած հանդիպման ժամանակ ասել է, որ Հայաստանը տեսնում է նոր էսկալացիայի վտանգ Բաքվի կողմից առաջ քաշված «Արևմտյան Ադրբեջան» հայեցակարգի պատճառով։ Նա նաև հայտարարել է, որ Երևանը չի հասկանում Բաքվի դիրքորոշումը, որը հրաժարվում է վերադարձնել գերիներին։
«Ցավոք, ես ոչինչ չեմ կարող ասել, քանի որ ծանոթ չեմ Ադրբեջանի պետական մակարդակով նման հայտարարություններին, մենք լսել ենք բոլորովին այլ հայտարարություններ երկրի ղեկավարությունից, Ադրբեջանի ղեկավարությունից, որոնք խոսում են դուրս գալու անհրաժեշտության և խաղաղության պայմանագիր կնքելու պատրաստակամության մեկ փուլի ավարտի մասին»,- ասել է Պեսկովը՝ պատասխանելով հարցին, թե ինչպես է Կրեմլն ընդունել Փաշինյանի հայտարարությունները։