Ծանրորդ Մարտին Պողոսյանը փոքր բրոնզե մեդալ է նվաճել հրում վարժությունում
Հայաստանի ծանրամարտի տղամարդկանց հավաքականի անդամ, 73 կգ քաշային Մարտին Պողոսյանը Մեքսիկայում ընթացող աշխարհի երիտասարդական առաջնության հրում վարժությունում փոքր բրոնզե մեդալ է նվաճել՝ 171 կգ արդյունքով։
18-ամյա ծանրորդը պոկում վարժությունում 135 կգ արդյունքով զբաղեցրել է 7-րդ հորիզոնականը։ Երկամարտում ցույց տալով 306 կգ արդյունք՝ Մարտին Պողոսյանը գրավել է 5-րդ տեղը:
Հիշեցնենք՝ ավելի վաղ Գոռ Սահակյանը և Ալեքսանդրա Գրիգորյանը ոսկե մեդալներ էին նվաճել աշխարհի առաջնությունում:
20 Նոյեմբեր, 2023 23:03
919