ՀՀ ԱԺ ութերորդ գումարման վեցերորդ նստաշրջանի հերթական նիստում «Քաղաքացիական պայմանագիր» խմբակցության պատգամավոր Խաչատուր Սուքիասյանը անդրադարձավ մեքենաների կմախքների ձուլման թեմային.
«Կարևոր հատված կա, իհարկե, շատ լավ պետական քաղաքականություն է, որ ՀՀ-ում ձուլվի, բայց միևնույն ժամանակ մենք այլ պարտավորություններ իրենց առջև չենք դրել, որ այդ հին մեքենաները, որոնք ամբողջ Հայաստանի տարածքի ճանապարհներին աջ ու ձախ շպրտված կմախքներ են, ո՞վ է հավաքելու, ո՞վ է նրանց հանձնելու։
Մյուս ինստիտուտը, որ շատ կարևոր, եթե մենք տուրք ենք դնում, բայց ներսում հնարավոր է հավաքող կազմակերպություններ լինեն, որոնք աշխատանք են կատարում ձուլող կառույցների համար, մենք պետք է այնպես անենք, որ այդ կառույցներն աշխատեն։ Միի պահ ստացվում է, որ մենաշնորհ ենք տալիս, այդ կառույցներին ստիպենք, որը որ իքս տոննա հավաքել է, նա մեծ իրավունք ունենա, թե չէ հակառակ դեպքում այլ գնող չա, եթե ուզենա ՀՀ-ից արտահանի, պետք է համապատասխան տուրք վճարի։ Խնդրում եմ նշեք, ո՞նց եք պատկերացնում դա։
Ընդհանրապես բիզնեսի ուղեկցելու հետ կապված նշեմ, ես շփումներ եմ ունենում, երբ դիմում են որպես պատգամավոր՝ այս կամ գործունեություն ծավալելու համար, երբ որ սկսում են քննել, հասկանալ ինչն է խնդիրը, մեծ մասը շեղում է ունենում, որ ճիշտ չեն ներկայացնում խնդիրը։ Դրա համար այդ ինստիտուցիոնալությունը այնքան կարևոր է, իրազեկումը, որ հասարակությունը շատ արագ հասկանա, թե ընդհանրապես ինչ է կատարվում այս կամ այն ոլորտում։
Դրա համար շատ ուզեցա այս հատվածի մասին խոսել, ուզում եմ ինձ պատասխանել՝ ՀՀ-ի տասնյակ հազարավոր մեքենաների կմախքները ո՞վ է հավաքելու և ու՞մ է ձեռնտու լինելու հավաքել»։