Լիբանանի վարչապետ Հասան Դիաբն օգոստոսի հինգը համազգային սգո օր է հայտարարել երկրի մայրաքաղաքում տեղի ունեցած պայթյունի հետևանքով զոհերի հիշատակին: Այս մասին հայտնում է ТАСС գործակալությունը՝ հղում անելով տեղի հեռուստատեսությանը:

Հիշեցնենք, որ հզոր պայթյուն է տեղի ունեցել Բեյրութի ծովային նավահանգստի շրջանում՝ Լիբանանի ռազմածովային ուժերի բազայի հարևանությամբ:

Ինչպես հաղորդում են ականատեսները, պայթյունի ալիքը տարածվել է հարակից բնակելի տների վրա՝ կոտրելով շենքերի պատուհանները:

Վերջին տվյալների համաձայն՝ պայթյունի հետևանքով առնվազն 10 մարդ մահացել է, հարյուրավորները՝ վիրավորվել: Նրանց տեղափոխել են տարբեր հիվանդանոցներ:

Ավելի վաղ հաղորդվում էր, որ նավահանգստի տարածքում հայտաբերվել են վեց զոհերի մարմինները: