Հեռուստահաղորդավար և բլոգեր Անաստասիա Իվլեևան խոստովանել է, որ առաջին անգամ դիտել է փետրվարի 29-ին ՌԴ նախագահ Վլադիմիր Պուտինի՝ Դաշնային ժողովին ուղղված ուղերձը։ Նրա խոսքով, Ռուսաստանի ղեկավարի բազմաթիվ նախաձեռնություններ «հետաքրքրում են իրեն»։
«Այս տարի ես առաջին անգամ դիտեցի նախագահի ուղերձը։ Վերջին ամիսներին փորձում էի խորասուզվել ու հասկանալ շատ հարցեր, որոնց մինչ այդ ուշադրություն չէի դարձրել։ Նախաձեռնություններն ու նախագծերը, որոնք հայտարարվել են, անկեղծորեն հետաքրքրում են ինձ, և ես գիտեմ, որ ես կքվեարկեմ դրանց օգտին»,- ասել է Իվլեևան Telegram-ի իր ալիքում:
Հիշենք, որ 2023 թվականի դեկտեմբերի վերջին Անաստասիա Իվլեևան փակ երեկույթ էր անցկացրել «գրեթե մերկ» դրես-կոդով։ Միջոցառման լուսանկարները հրապարակային են դարձել և մեծ վրդովմունք առաջացրել արմատական հայրենասերների շրջանում։ Չնայած բլոգերի և նրա հայտնի հյուրերի հրապարակային ներողություններին, շատերը ստիպված են եղել չեղարկել իրենց համերգները։