Հնդկաստանի արտաքին գործերի նախարարության խոսնակ Ռանդհիր Ջեյսվալը «անհեթեթ» է անվանել Չինաստանի պաշտպանության նախարարության մեկնաբանությունները հյուսիսարևելյան Արունաչալ Պրադեշ նահանգի սեփականության մասին:

Դիվանագետի խոսքով՝ Հնդկաստանի ԱԳՆ-ն ի գիտություն է ընդունել Չինաստանի պաշտպանության նախարարության պաշտոնական ներկայացուցչի մեկնաբանությունները, «որն անհեթեթ պնդումներ է արել հնդկական Արունաչալ Պրադեշ նահանգի տարածքի վերաբերյալ»։ Նրա խոսքով՝ այս առնչությամբ չհիմնավորված փաստարկների կրկնությունը «ոչ մի հիմնավորում չի տալիս նման պնդումներին»։

«Արունաչալ Պրադեշը եղել է, կա և միշտ կլինի Հնդկաստանի անբաժանելի մասը: Նրա ժողովուրդը կշարունակի օգուտ քաղել մեր զարգացման ծրագրերից և ենթակառուցվածքային նախագծերից»,- ասել է Ջեյսվալը:
 

297