![](https://araratnews.am/admin/images/1713340582.jpeg)
Ադրբեջանի ԱԳՆ-ն շարունակում է սրել հարաբերությունները Ֆրանսիայի հետ՝ շարունակելով անհիմն մեղադրանքների շղթան։ Ֆրանսիային մեղադրել է «ապակառուցողական գործունեության» համար՝ ի պատասխան ապրիլի 16-ին Ֆրանսիայի Եվրոպայի և արտաքին գործերի նախարարության տարածած հայտարարության։
Նշենք, որ ըստ հայտարարության՝ Ֆրանսիան մեղադրել է Ադրբեջանին իր երկրի հետ հարաբերությունները վնասող միակողմանի քայլերի համար և հետ կանչել Ադրբեջանում Ֆրանսիայի դեսպան Անն Բոյոնին։
Ադրբեջանը տեքստում չի զլացել՝ կրկին հայ-ադրբեջանական հարաբերությունների կարգավորման գործում կասկածի տակ դնելով Ֆրանսիային։ Ըստ Ադրբեջանի ԱԳՆ-ի՝ «Ֆրանսիան իր գործողություններով վերջին երեքուկես տարիների ընթացքում լրջորեն կասկածի տակ է դնում Ադրբեջանի և Հայաստանի միջև հարաբերությունների կարգավորմանն ուղղված ջանքերը և հրահրել է իրավիճակի սրում»։