Բիշքեկում սկսվել է ԱՊՀ երկրների անվտանգության մարմինների և հատուկ ծառայությունների ղեկավարների խորհրդի նիստը։
Ողջունելով հանդիպման մասնակիցներին՝ Ղրղզստանի նախագահ Ջապարովը նշել է, որ ԱՊՀ-ն ստեղծվել է ավելի քան 30 տարի առաջ աշխարհաքաղաքական լուրջ փոփոխությունների ժամանակաշրջանում։
Նաև, ի թիվս այլ հարցերի, նախագահը մատնանշել է անվտանգության ոլորտում ամենահրատապ խնդիրը՝ ահաբեկչությունն ու ծայրահեղականությունը։
Հանդիպմանը կքննարկվեն արտերկրում մարտական պատրաստություն անցած ահաբեկիչների բացահայտման հարցերը։
Միջոցառման մասնակիցները կներկայացնեն ահաբեկչության և կրոնական ծայրահեղականության դեմ պայքարի ոլորտում տեղեկատվության փոխանակման բարելավման ուղիները, այդ թվում՝ Միջազգային հակաահաբեկչական տվյալների բանկի շրջանակներում, որը գործում է Ազգային հակաահաբեկչական կոմիտեի հիման վրա։
Հայաստանն այնտեղ ներկայացնում է ԱԱԾ պետի տեղակալ Սամվել Հայրապետյանը։ Ադրբեջանը ներկայացնում է Ադրբեջանի ԱԱԾ պետ Ալի Նագիևը։
