ԱՄՆ-ում կարող է տեղի ունենալ ահաբեկչություն՝ նման մերձմոսկովյան Crocus City Hall համալիրում մարտին տեղի ունեցած ահաբեկչական հարձակմանը, այս մասին նախազգուշացրել է Հետաքննությունների դաշնային բյուրոյի տնօրեն Քրիստոֆեր Ռեյը: 

Նրա խոսքով՝ վերջին ժամանակահատվածում մի քանի ահաբեկչական կազմակերպություններ կոչ են արել հարձակումներ իրականացնել ամերիկացիների և նրանց դաշնակիցների դեմ:

«Մեր հիմնական մտահոգությունն այն է, որ անհատները կամ փոքր խմբերը «կոգեշնչվեն» Մերձավոր Արևելքում տեղի ունեցող իրադարձություններից՝ այստեղ հարձակումներ իրականացնելու համար: Բայց այժմ, բացի սրանից, աճող մտահոգություն է առաջացնում հնարավոր համակարգված հարձակումը՝ նման մարտին ռուսական Crocus City Hall-ում տեղի ունեցած հարձակմանը»,- նշել է նա: