Քաթարն ու Հորդանանը ողջունել են Հայաստանի կողմից Պաղեստին պետության ճանաչումը։
Մասնավորապես՝ Քաթարի ԱԳՆ-ն հայտարարություն է տարածել, որում նշված է, որ Իրենք սա համարում են կարևոր քայլ՝ երկու պետությունների ստեղծմանն աջակցելու և տարածաշրջանում խաղաղության ու կայունության հասնելու համար։
Քաթարի ԱԳՆ-ն կոչ է արել անհապաղ դադարեցնել պատերազմը Գազայի հատվածում և վերադառնալ քաղաքական ճանապարհին՝ որպես տարածաշրջանում կայունության հասնելու միակ երաշխիք։
Բացի այդ՝ Քաթարը հույս է հայտնել, որ Պաղեստինը ճանաչող երկրների թիվը կավելանա։
Իր հերթին Հորդանանի Արտաքին գործերի և օտարերկրացիների գործերով նախարարությունը նույնպես հայտարարություն է տարածել՝ ողջունելով Պաղեստինի պետությունը ճանաչելու մասին Հայաստանի որոշումը և նշելով, որ դա կարևոր քայլ է, որը փաստում է միջազգային իրավունքի և միջազգային օրինականության համապատասխան բանաձևերի պահպանումը Հայաստանի կողմից։
Նախարարության խոսնակ Սուֆիան Ալ-Քուդան վերահաստատել է իր բարձր երախտագիտությունը Հայաստանի ընդունած որոշմանը և ըստ 1967 թվականին ընդունված սկզբունքների՝ պաղեստինյան ժողովրդի ազատության և անկախ, ինքնիշխան պետության իրավունքի աջակցությունը նրա կողմից՝ հիմնված երկու պետությունների ստեծման որոշման վրա։