Երևանում բախվել են մոտոցիկլետն ու «Օպել»-ը. մոտոցիկլավարը հոսպիտալացվել է
Բաժանորդագրվեք araratnews-ի տելեգրամ ալիքին։
Օգոստոսի 18-ին ավտոմեքենայի և մոտոցիկլի բախում է տեղի ունեցել Երևանում։ Ժամը 12:00-ի սահմաններում Մյասնիկյան պողոտայում՝ Ջրաշխարհի հարևանությամբ, բախվել են «BMW» մակնիշի մոտոցիկլը և «Opel» մակնիշի ավտոմեքենան։ Բախման հետևանքով մոտոցիկլը կողաշրջվել է, իսկ մոտոցիկլավարը տեղափոխվել է «Սուրբ Գրիգոր Լուսավորիչ» բժշկական կենտրոն։
Մոտոցիկլավարի հետ եղել է նաև ուղևոր, բարեբախտաբար նա չի տուժել։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են Opel-ի վարորդի, մոտոցիկլավարի և վիրավորի ինքնությունը։
18 Օգոստոս, 2024 22:09
515