Բաժանորդագրվեք araratnews-ի տելեգրամ ալիքին։
Եվրոպացի առաջնորդների մոտ տարակուսանք են առաջացրել ԱՄՆ նորընտիր նախագահ Դոնալդ Թրամփի հայտարարությունները՝ կապված Գրենլանդիայի՝ ԱՄՆ-ին միանալու և Պանամայի ջրանցքը Վաշինգտոնին փոխանցելու հետ։
Այսպես, Գերմանիայի կանցլեր Օլաֆ Շոլցը մամուլի համար արված հայտարարության մեջ նշել է ցանկացած երկրի սահմանները ուժով փոխելու անթույլատրելիությունը։ «Սահմանների անձեռնմխելիությունը միջազգային իրավունքի հիմնարար սկզբունքներից մեկն է»,- ընդգծել է նա։
Շոլցը հավելել է, որ Թրամփի հայտարարություններից հետո զանգահարել է Դանիայի (որն այժմ Գրենլանդիայի սեփականատերն է) վարչապետ Մետե Ֆրեդերիկսենին և ՆԱՏՕ-ի գլխավոր քարտուղար Մարկ Ռյուտեին։
Ֆրեդերիկսենը պատասխանել է Թրամփի խոսքերին՝ ասելով, որ Վաշինգտոնը Դանիայի «ամենակարևոր և ամենամոտ դաշնակիցն է», և որ ինքը չի կարող պատկերացնել մի իրավիճակ, որում նա ճնշի Կոպենհագենին՝ Գրենլանդիայի նկատմամբ վերահսկողություն հաստատելու համար։ Կղզու վարչապետ Մութ Էգեդեն ընդգծել է, որ Գրենլանդիան «չի վաճառվում և երբեք չի վաճառվի»:
Ավելի վաղ այս թեմայով հայտարարություն էր արել Ֆրանսիայի վարչապետը։