Բաժանորդագրվեք araratnews-ի տելեգրամ ալիքին։
ԱՄՆ նորընտիր նախագահ Դոնալդ Թրամփը կարող է Մոսկվային առաջարկել համագործակցություն տիեզերական ոլորտում՝ Ուկրաինայում հակամարտությունը դադարեցնելու դիմաց։ Այս կարծիքը մեջբերված է The Hill թերթի հոդվածում։
Ըստ հրատարակության գնահատականի՝ եթե Ռուսաստանը համաձայնության գա Ուկրաինայի հետ, Թրամփը կարող է դրա դիմաց Մոսկվային առաջարկել դերակատարություն ամերիկյան Artemis տիեզերական ծրագրում։ Համագործակցության շրջանակներում Ռուսաստանը հասանելիություն կստանա ամերիկյան տեխնոլոգիաների և առևտրային ընկերությունների նկատմամբ, այդ թվում՝ Իլոն Մասկի SpaceX-ի: Այսպիսով, ռուս տիեզերագնացները կարող են վայրէջք կատարել Լուսնի մակերեսին «մոտ ապագայում», գրում է հրատարակությունը։
Ինչպես նշում է The Hill-ը, եթե Ռուսաստանը ստորագի Artemis-ի համաձայնագիրը, նա կմիանա «ազգերի աճող համայնքին, որը նվիրված է տիեզերքի խաղաղ հետազոտմանը և տնտեսական զարգացմանը»: Ինչպես նշվում է հրապարակման մեջ, նման քայլը կկանգնեցնի նաև Ռուսաստանի և Չինաստանի միջև «տիեզերական դաշինքի» ձևավորումը։