Բաժանորդագրվեք araratnews-ի տելեգրամ ալիքին։
Մեծ Բրիտանիայի վարչապետ Քիր Սթարմերը հայտարարել է, որ ինքը «պատրաստ է և ուզում է» բրիտանական զորքեր տեղակայել Ուկրաինայում՝ օգնելու խաղաղության համաձայնագրի իրականացմանը, որը, նրա կարծիքով, վերջ կդնի ռազմական գործողություններին:
Փետրվարի 16-ին Daily Telegraph-ում հրապարակված հոդվածում Սթարմերը ասում է, որ որոշումը «դյուրին չէ», բայց նա կարծում է, որ այն կարող է անվտանգ պահել Մեծ Բրիտանիան և ամբողջ Եվրոպական մայրցամաքը:
«Մեծ Բրիտանիան պատրաստ է առաջատար դեր խաղալ Ուկրաինային անվտանգության երաշխիքների տրամադրման արագացման գործում։ Սա ներառում է ուկրաինացի զինվորականներին աջակցելու շարունակությունը, որի համար Բրիտանիան արդեն տրամադրում է տարեկան 3 միլիարդ ֆունտ ստեռլինգ մինչև առնվազն 2030 թվականը»,- ասել է վարչապետը։