Բաժանորդագրվեք araratnews-ի տելեգրամ ալիքին։
Ֆրանսիական ARTE հեռուստաալիքը սխալ քարտեզի համար ներողություն է խնդրել հայերից։ Սրա մասին հայտնում է Araratnews.am-ը՝ հղում անելով Nouvelles d'Arménie-ի լրագրող, ծաղրանկարիչ Գրիգոր Ամիրզանյանի գրառումը։
«Arte-ն րոպեների ընթացքում ներողություն է խնդրել «28 րոպե» հաղորդման ժամանակ «սխալ քարտեզի» համար, որտեղ Հայաստանը անհետացել է հօգուտ Ադրբեջանի»,- նշում է նա։
Լրագրողը մեջբերել է նաև հաղորդավարուհի Էլիզաբեթ Քուինի ներողության խոսքերը․ «28 Minutes»-ը ցանկանում է ներողություն խնդրել։ Մենք հատկապես ներողություն ենք խնդրում մեր հայ ընկերներից երեկ Թուրքիայի վերաբերյալ բանավեճի ժամանակ ցուցադրած սխալ քարտեզի համար: Նորից շնորհակալ ենք ձեր ներողամտության համար, սա խիստ ցավալի և կոլեկտիվ սխալ է, բայց ստացվել է բոլորովին ակամա։ Ո՛չ Հայաստանը, ո՛չ Ադրբեջանը չեն հիշատակվել»։
Հիշեցնենք, որ Ֆրանսիայում և Գերմանիայում հեռարձակվող Arte France հեռուստաալիքը «28 րոպե» հաղորդաշարի ընթացքում հրապարակել է Հարավային Կովկասի քարտեզը, որի վրա Հայաստանը պարզապես չի եղել։