Բաժանորդագրվեք araratnews-ի տելեգրամ ալիքին։
Լոս Անջելեսում մահացել է ամերիկացի դերասան Վել Քիլմերը։ Araratnews.am-ի փոխանցմամբ, հայտնում է The New York Times-ը՝ վկայակոչելով նրա դուստր Մերսեդեսին։
Նա 65 տարեկան էր, մահվան պատճառը թոքաբորբն է եղել։ Ըստ Քիլմերի դստեր՝ 2014 թվականին նրան ախտորոշվել է կոկորդի քաղցկեղ, դերասանն ապաքինվել է, սակայն տրախեոտոմիայից հետո ձայնալարերի վնասման պատճառով գրեթե ամբողջովին կորցրել է ձայնը։ Նա նաև քիմիաթերապիա է անցել։
Քիլմերի կարիերան գագաթնակետին է հասել 90-ականներին։ Նրա ամենահայտնի գործերից է գլխավոր դերը «Բեթմեն ընդմիշտ» ֆիլմում։ Այս դերի համար Քիլմերը ստացել է իր առաջին խոշոր հոնորարը՝ 7 միլիոն դոլար։
Նա նաև մարմնավորել է The Doors-ի մեներգիչ Ջիմ Մորիսոնին համանուն կենսագրական ֆիլմում։
Ընդհանուր առմամբ, Քիլմերը նկարահանվել է գրեթե հարյուր ֆիլմերում և սերիալներում։