Բաժանորդագրվեք araratnews-ի տելեգրամ ալիքին։
Վրաստանը պատրաստ է իր ներդրումն ունենալ Հայաստանի և Ադրբեջանի միջև խաղաղության գործընթացում․ այս մասին հայտարարել է Վրաստանի նախագահ Միխեիլ Կավելաշվիլին Բաքվում իր ադրբեջանցի գործընկերոջ հետ հանդիպման ժամանակ։
Araratnews.am-ի փոխանցմամբ՝ վրացական լրատվամիջոցները հայտնում են, որ նա ողջունել է Երևանի և Բաքվի միջև խաղաղության համաձայնագրի տեքստի վերաբերյալ համաձայնությունը։
Վրաստանի նախագահը հույս է հայտնել, որ համաձայնագիրը կստորագրվի մոտ ապագայում։
Կավելաշվիլին կարծում է, որ Հարավային Կովկասին խաղաղություն է անհրաժեշտ՝ միջազգային մասշտաբով տարածաշրջանի ազդեցությունն ամրապնդելու համար։ «Տարածաշրջանի ողջ ներուժը կարող է բացահայտվել Հայաստանի և Ադրբեջանի միջև խաղաղության պայմանագրի ստորագրումից հետո»,- եզրափակել է Վրաստանի նախագահը։