Բաժանորդագրվեք araratnews-ի տելեգրամ ալիքին։
Ռուսաստանը պատրաստ է Ուկրաինայի իրավիճակը կարգավորելու գործարքին, սակայն կան որոշակի տարրեր, որոնք պետք է վերջնականապես համաձայնեցվեն: Araratnews.am-ի փոխանցմամբ՝ CBS News-ին տված հարցազրույցում ասել է արտգործնախարար Սերգեյ Լավրովը։
«ԱՄՆ նախագահը հավատում է, և ես կարծում եմ՝ արդարացիորեն, որ մենք շարժվում ենք ճիշտ ուղղությամբ։ Նախագահի հայտարարության մեջ խոսվում էր համաձայնագրի մասին, և մենք պատրաստ ենք համաձայնության գալ։ Սակայն կան որոշակի կետեր և տարրեր, որոնք պետք է ճշգրտվեն։ Մենք ներգրավված ենք այս գործընթացում»,- ասել է ՌԴ գլխավոր դիվանագետը։
Նա նաև շեշտել է, որ ԱՄՆ նախագահ Դոնալդ Թրամփը, հնարավոր է, միակ արևմտյան քաղաքական գործիչն է, որը հասկանում է Ուկրաինայի ճգնաժամի արմատական պատճառները։