Բաժանորդագրվեք araratnews-ի տելեգրամ ալիքին։
Ուկրաինայի և Եվրոպայի պաշտոնյաները խոստովանում են, որ ԱՄՆ նախագահ Դոնալդ Թրամփը մոտ է ռուս-ուկրաինական պատերազմին վերջ դնելու համար խաղաղության բանակցություններից հրաժարվելուն։ Այս մասին, Araratnews.am-ի փոխանցմամբ, ապրիլի 28-ին հաղորդել է Financial Times-ը՝ հղում անելով աղբյուրներին։
Նրանք ասում են, որ Թրամփը կարող է «բանակցություններում արձանագրված փոքր առաջընթացը» որպես պատրվակ օգտագործել՝ ասելու, որ իր «աշխատանքն ավարտված է»։
ԱՄՆ-ի հետ վերջերս տեղի ունեցած բանակցություններից հետո եվրոպացի և ուկրաինացի պաշտոնյաները համոզված են, որ Թրամփը պատրաստ է օգտագործել այս շաբաթվա ցանկացած նվաճում՝ բանակցություններից դուրս գալու համար, նույնիսկ եթե ձեռք բերված առաջընթացը չի հանգեցնի երկարաժամկետ կարգավորման, Financial Times-ին ասել են չորս պաշտոնյաներ։