Բաժանորդագրվեք araratnews-ի տելեգրամ ալիքին։
Ժնևում մեկնարկել է եվրաեռյակի երկրների՝ Մեծ Բրիտանիայի, Գերմանիայի ու Ֆրանսիայի արտգործնախարարների հանդիպումն Իրանի ԱԳ նախարար Աբբաս Արաղչիի հետ՝ շարունակվող ճգնաժամի հնարավոր դիվանագիտական լուծումները քննարկելու, Իսրայելի և Իրանի միջև առճակատումը թուլացնելու նպատակով։
Հանդիպումը, որին մասնակցել է նաև Եվրամիության արտաքին քաղաքականության ղեկավարը, ընթանում է Ժնևում Գերմանիայի պատվավոր հյուպատոսի գրասենյակում:
Ելույթ ունենալով Ժնևում ՄԱԿ-ի ամբիոնում՝ եվրոպացի գործընկերների հետ բանակցություններից առաջ, Արաղչին Իսրայելի կողմից Իրանի միջուկային օբյեկտների վրա հարձակումները անվանել է «ծանր ռազմական հանցագործություններ»։
Ժնևում ՄԱԿ-ում Իսրայելի դեսպան Դանիել Մերոնն էլ ակնկալել է, որ եվրոպացի արտաքին գործերի նախարարները իրենց իրանցի գործընկերոջ հետ հանդիպման ժամանակ կպահանջեն Իրանի միջուկային ծրագրի լիակատար դադարեցում։