Բաժանորդագրվեք araratnews-ի տելեգրամ ալիքին։
ԿԳՄՍ նախարար Ժաննա Անդրեասյանը ֆեյսբուքյան գրառմամբ առաջարկել է, թե դպրոցականներն ինչ գրքեր կարդան ամռանը։
«Ամառը նաև կարդալու շրջան է։ Առաջարկում եմ միասին կարդանք հետևյալ գրքերը և աշնանը՝ դասերը սկսվելուց հետո, միասին քննարկենք այդ գրքերը։ Տարրական դասարանների երեխաներին առաջարկում եմ կարդանք և հետո քննարկենք Ղազարոս Աղայանի «Անահիտը» հեքիաթը։
Միջին դպրոցի երեխաներին առաջարկում եմ կարդանք և հետո քննարկենք Անտուան դը Սենտ Էքզյուպերիի «Փոքրիկ իշխանը»։ Ավագ դասարանների սովորողներին առաջարկում եմ կարդանք և հետո քննարկենք Ռիչարդ Բախ, «Ջոնաթան Լիվինգսթոն ճայը»։
Ի դեպ, կառավարության այսօր ընդունված որոշմամբ գրքի փառատոնը կտանենք մարզեր. այս տարի բացի Երևանից այն կանցկացնենք նաև Սյունիքում և Շիրակում»,- գրել է նախարարը։