Բաժանորդագրվեք araratnews-ի տելեգրամ ալիքին։
Իրանի նախագահ Մասուդ Փեզեշքիանը Ադրբեջանի նախագահ Իլհամ Ալիևի հետ զրույցում կոչ է արել մանրակրկիտ հետաքննություն անցկացնել այն հաղորդագրությունների վերաբերյալ, որոնք ենթադրում են, որ իսրայելական անօդաչու սարքերը կարող էին Իրանի օդային տարածք ներխուժել Ադրբեջանի տարածքով։
Այդ մասին հայտնում է իրանական IRNA գործակալությունը։
Զրույցի ընթացքում Փեզեշքիանն ընդգծել է, որ Իրանը երբեք պատերազմ չի սկսել և հավելել է, որ Իսրայելի ռեժիմը գործել է միջազգային իրավունքի խախտմամբ՝ հարձակվելով Իրանի վրա, այդ թվում՝ միջուկային օբյեկտները թիրախավորելով, ինչը «մարդկության դեմ հանցագործություն» է։
Ի պատասխան՝ Ալիևը ափսոսանք է հայտնել Իսրայելի հարձակումների և դրա հետևանքով քաղաքացիական բնակչության շրջանում զոհերի համար։ Նա ողջունել է հրադադարը և վերահաստատել Ադրբեջանի հարգանքը Իրանի ինքնիշխանության և տարածքային ամբողջականության նկատմամբ։ Հերքելով այն հաղորդագրությունները, որոնց համաձայն՝ Ադրբեջանի օդային տարածքը օգտագործվել է իսրայելական անօդաչու թռչող սարքերի կողմից Իրանին հարձակվելու համար՝ Ալիևը շեշտել է, որ իր կառավարությունը պահպանում է իր օդային տարածքի նկատմամբ լիակատար վերահսկողությունը և երբեք թույլ չի տա, որ այն օգտագործվի Իրանի դեմ։ Նա ընդգծել է Ադրբեջանի ցանկությունը՝ ընդլայնել կապերը Իրանի հետ տնտեսական, քաղաքական և անվտանգության ոլորտներում։;"