Բաժանորդագրվեք araratnews-ի տելեգրամ ալիքին։
ԱԺ ՔՊ խմբակցության պատգամավոր Ալխաս Ղազարյանը ֆեյսբուքյան իր էջում գրել է․
«Սամվել Կարապետյանը հերթական հոգեցունց հայտարարությունն է արել հայ ժողովրդի վերաբերյալ․ թե բա՝ հայ ժողովուրդն արժանի է արժանապատիվ կյանքի։
Սա ասում է այն մարդը, ով շուրջ քսան տարի եղել է հայ ժողովրդի արժանապատվությունը ոտնատակ տված Ռոբերտ Քոչարյանի և Սերժ Սարգսյանի իշխանության պահպանման ֆինանսական հենասյունը և, որոշ դեպքերում էլ՝ «դրամապանակը»։
Այդ «ստատուսը» Կարապետյանը վերահաստատեց, երբ վճարեց Քոչարյանի դատական գրավի 4 միլիոն դոլարի մի մասը՝ այն դեպքում, երբ միայն ապօրինի ծագման գույքի վարույթի շրջանակներում հրապարակված նյութերից պարզ է դառնում, որ Քոչարյանների ընտանիքը տիրապետում է ավելի քան 100 միլիոն դոլարի հասնող գույքի և ֆինանսական միջոցների։
Այսինքն՝ մարդիկ գումարն ունեին, բայց ինչու վճարեին, եթե Սամոն կմուծվեր։
Հ.Գ. Ժողովրդի արժանապատվության մասին հանկարծ հիշած Սամվել Կարապետյանը նման է այն վատ հավատացյալին, ով Աստծո անունը հիշում է միայն այն ժամանակ, երբ նեղն է ընկնում»։