Բաժանորդագրվեք araratnews-ի տելեգրամ ալիքին։
Երևանի քաղաքապետարանի աշխատակազմի երեխաների և սոցիալական պաշտպանության վարչությունը շարունակում է տարեցների համար կազմակերպվող ճանաչողական շրջագայությունները դեպի Հայաստանի գեղեցիկ անկյուններ։
«Այս անգամ մեր սիրելի տատիկներն ու պապիկները Աջափնյակ վարչական շրջանից այցելեցին Տաթևի վանական համալիր։
Նրանց ուղեկցում էին սոցիալական աշխատողը, բուժաշխատողը և փորձառու էքսկուրսավարը, որպեսզի ճանապարհը լինի ոչ միայն հետաքրքիր, այլև ապահով ու հարմարավետ
Տատիկներն ու պապիկները կիսվեցին իրենց տպավորություններով, պատմեցին հին հիշողություններ ու նոր ծանոթություններ ունեցան․ այդպիսի պահերն են շրջագայությունը դարձնում իսկապես հիշարժան։
Այս նախաձեռնությունը շարունակական է․ ընդհանուր նախատեսվում է իրականացնել 55 ուղևորություն՝ 9 տարբեր ուղղություններով։ Շուրջ 1100 տարեց հնարավորություն կունենա բացահայտելու Հայաստանի տեսարժան վայրերն ու պարզապես լավ ժամանակ անցկացնելու նոր ընկերների հետ»,-ասվում է քաղաքապետարանի հաղորդագրությունում: