Բաժանորդագրվեք araratnews-ի տելեգրամ ալիքին։
Ֆրանսիայում զանգվածային բողոքի ցույցերի ընթացքում ձերբակալվածների թիվը հասել է գրեթե 200-ի, չորեքշաբթի օրը հայտարարել է ներքին գործերի նախարարի պաշտոնակատար Բրունո Ռետայլոն։
Ֆրանսիայի շատ քաղաքներում ցուցարարները փակում են ճանապարհները և կրակներ են վառում։
Ռենում ցուցարարները այրել են ավտոբուս, իսկ Թուլուզի մոտակայքում՝ վնասել երկաթուղային գծի մալուխները։ Բողոքի մի շարք ցույցեր վերաճել են ոստիկանության հետ բախումների։
Շարժումը կոչվում է «Bloquons tout» («Ամեն ինչ արգելափակենք»)։ Ցույցերի հիմնական նպատակը՝ տրանսպորտի, ճանապարհների ու հանրային կյանքի պարալիզացումն է։ Մարդիկ բողոքում են կառավարության քաղաքականությունից, հատկապես՝ խիստ խնայողական միջոցներից, որոնք առաջացրել են սոցիալական լարվածություն։