Բաժանորդագրվեք araratnews-ի տելեգրամ ալիքին։
Իսրայելը որոշել է բացել Գազայի հատվածի և Եգիպտոսի միջև գտնվող «Ռաֆահ» սահմանային անցակետը չորեքշաբթի՝ հոկտեմբերի 15-ին։
Araratnews.am-ի փոխանցմամբ՝ Իսրայելի պետական KAN հեռուստաալիքը նշում է, որ իսրայելական իշխանությունների որոշման վրա ազդել է Գազայի հատվածում սպանված ևս չորս իսրայելցի բանտարկյալների մարմինների գիշերային փոխանցումը «Համասի» կողմից, ինչպես նաև նախատեսվող ևս մեկ զոհվածի մարմնի փոխանցումը։
Հեռուստաալիքը նշել է, որ Իսրայելի կառավարությունը որոշել է հոկտեմբերի 15-ից չեղարկել «Համասի» նկատմամբ կիրառվելիք «պատժամիջոցները»։
Հաղորդագրության համաձայն՝ Իսրայելի քաղաքական ղեկավարությունը որոշել է Գազան Եգիպտոսի հետ կապող «Ռաֆահ» սահմանային անցակետը բացել այսօր՝ ըստ նախատեսվածի, և որ մարդասիրական օգնությունը կշարունակի մատակարարվել համաձայնագրի համաձայն։