Ես կարծում եմ՝ աննպատակ չեն այս հետաձգումները: Արդյունքները  հետո կտեսնենք: Այսօր դատարանում ասաց տուժողների իրավահաջորդների ներկայացուցիչ Սեդա Սաֆարյանը:

Ըստ նրա՝ այս տեմպերով դեռ մեկ տարի էլ դատական նիստերը կհետաձգվեն, և գործի ըստ էության քննություն չի լինի։

Իսկ Մարտի մեկի գործով այսօրվա դատական նիստի հետաձգման պատճառը  Յուրի Խաչատուրովի փաստաբանի բացակայությունն էր: 

Յուրի Խաչատուրովն առաջարկեց հետաձգել դատական նիստը: Նա տեղյակ չէ, թե ինչու է բացակայում իր փաստաբան Միհրան Պողոսյանը։ 

Մեղադրող կողմն էլ ասաց՝  ակնհայտ է, որ սա դատական նիստը ձգձգելուն ուղղված վարքագծի շարունակություն է։ Ոչ մի հանկարծակի խնդիր էլ չի առաջացել, սա պլանավորված վարքագիծ է:

Հաջորդ դատական նիստը սեպտեմբերի 8-ին է: 

 

700