Apple ընկերությունը սկսել է ծալվող էկրանով սմարթֆոնի մշակումը: Այս մասին շաբաթ օրը հաղորդել է Bloomberg գործակալությունը՝ հղում անելով իր աղբյուրին:
Նրա խոսքով՝ աշխատանքային գործընթացը մնում է դիսփլեյներ ստեղծելու փուլում, իսկ Apple-ը դեռ չունի ծալվող iPhone-ի նախատիպը:
Ընկերությունը չի որոշել ծալվող էկրանի չափը: Քննարկվում է, մասնավորապես, 6,7 դյույմ (մոտ 17 սմ) անկյունագծով դիսփլեյի տարբերակը, ինչպիսին iPhone 12 Pro Max-ինն է:
Apple-ի թեստային էկրաններից շատերն ունեն անտեսանելի ծալովի ծխնիներ, ինչը նշանակում է, որ հեռախոսը բացելիս էկրանը ամբողջական է դառնում: Օրինակ, նույն կերպ են պատրաստված Samsung-ի ծալվող սմարթֆոնները` ի տարբերություն Microsoft-ի նույնատիպ սմարթֆոնների, որոնցում տեսանելի ծխնիները միացնում են երկու առանձին վահանակներ, հաղորդում է ՏԱՍՍ-ը:
Ինչպես նշում է Bloomberg-ը, ծալվող iPhone-ը, ամենայն հավանականությամբ, շուտ չի հայտնվի, կամ կարող է ընդհանրապես չհայտնվել: Apple-ն այժմ կենտրոնացած է այս տարվա վերջին թողարկվելիք իր նոր iPhone-ի եւ iPad-ի վրա: Կորոնավիրուսի համավարակը բարդացրել է արտադրումը, քանի որ ընկերության ինժեներները Սիլիկոնյան հովտի գրասենյակներում աշխատում են շաբաթական մի քանի օր եւ սահմանափակ թվով:
Աղբյուր՝ news.am