Բաժանորդագրվեք araratnews-ի տելեգրամ ալիքին։
Լիբանանի և Իսրայելի պատվիրակությունները կշարունակեն քննարկումները Վաշինգտոնում կայանալիք բանակցությունների ժամանակ՝ ուրբաթ օրը ստորագրվելիք անվտանգության փոխըմբռնման հուշագրի շուրջ։ Այս մասին հայտնել է Պետդեպարտամենտի աղբյուրը՝ ըստ «Asharq al-Awsat»-ի։
«ԱՄՆ միջնորդությամբ Իսրայելի և Լիբանանի միջև բանակցությունները, որոնք նախատեսված էին ավարտել հինգշաբթի՝ հունիսի 25-ին, կշարունակվեն ևս մեկ օր,- ասել է աղբյուրը։- Հինգերորդ փուլը կվերսկսվի ուրբաթ առավոտյան»։
Ինչպես ավելի վաղ հաղորդել էր «Al Hadath» հեռուստաընկերությունը, Իսրայելը կարող է իր զորքերը դուրս բերել հարավային Լիբանանի մեկ կամ երկու գրավյալ տարածքներից՝ որպես բարի կամքի դրսևորում։ Ամերիկացի միջնորդներն առաջարկում են այնտեղ ստեղծել «պիլոտային գոտի», որը կզբաղեցնեն լիբանանյան բանակի ստորաբաժանումները։