Բաժանորդագրվեք araratnews-ի տելեգրամ ալիքին։
Ֆրանսիայի հավաքականի հարձակվող Կիլիան Մբապեն ճանաչվել է 2026 թվականի Աշխարհի առաջնության 1/16 եզրափակչի Շվեդիայի դեմ խաղի լավագույն խաղացող՝ ըստ ՖԻՖԱ-ի պաշտոնական կայքի։ Խաղն ավարտվել է 3-0 հաշվով։
Մբապեն օգնել է իր թիմին հաղթել Շվեդիային՝ երկու գոլ խփելով։
Ֆրանսիացին կատարել է հինգ հարված (չորսը դարպասին), հինգ փորձից երեքը հաջողությամբ է ավարտվել, բայց մեկ անգամ հայտնվել է խաղից դուրս իրավիճակում, չորս կարևոր փոխանցում է կատարել։ Նրա փոխանցումների ճշգրտությունը կազմել է 83%։
Երկրորդ գոլը Մբապեի 18-րդն էր Աշխարհի առաջնություններում և վեցերորդը՝ ընթացիկ մրցաշարում։
Ավելի վաղ, Մեսսին սահմանել էր Աշխարհի առաջնության գոլերի նոր ռեկորդ՝ գերազանցելով գերմանացի Միրոսլավ Կլոզեին։ Արգենտինայի հավաքականի ավագն այժմ ունի 19 գոլ՝ Մբապեի 18-ի համեմատ։ Խոսելով սրա մասին՝ Մբապեն նշել է․ «Ես չեմ մտածում ռեկորդները գերազանցելու մասին։ Քանի դեռ Մեսսին մրցաշարում է, նա, հավանաբար, ավելի շատ կխփի։ Ես շատ ավելի մտահոգված եմ նրանով, թե ում դեմ կխաղանք հաջորդը և որքան մոտ ենք մեր գլխավոր նպատակին՝ եզրափակիչ դուրս գալուն»։
2026 թվականի Աշխարհի առաջնության 1/8-րդ եզրափակչում Ֆրանսիան հուլիսի 4-ին Ֆիլադելֆիայում կխաղա Պարագվայի հետ։