Իրանի նախագահ Հասան Ռոհանին կարևորել է տնտեսական պատերազմի պարտությունը, որն ԱՄՆ նախկին վարչակազմը նախաձեռնել էր Թեհրանի դեմ:

Ինչպես փոխանցում է «Թանսիմ» գործակալությունը, Ռոհանին հավելել է, որ Իսլամական Հանրապետության տնտեսական փոխգործակցությունը նոր փուլ է թևակոխում՝ արտահանումներիի ոլորտի բարելավմամբ:

«ԱՄՆ նախկին նախագահ Դոնալդ Թրամփի՝ Իրանի դեմ վարած տնտեսական պատերազմի ձախողումը փոփոխել է Թեհրանի առևտրային գործընկերների դիրքորոշումները»,- ասել է Ռոհանին՝ շեշետելով, որ երկրի տնտեսական համագործակցությունը նոր փուլ է թևակոխում:

Իրանի նախագահը նշել է, որ երկրի տնտեսական պայմանները բարելավվում են նավթի և ոչ միայն նավթի արտահանումների ծավալների աճի ֆոնին:  

Հիշեցնենք, որ ՀՀ էկոնոմիկայի նախարար Վահան Քերոբյանը նախօրեին հանդիպումներ է ունեցել Իրանի արդյունաբերության և առևտրի նախարար Ալիռեզա Ռազմհոսեյնիի և ԻԻՀ Կենտրոնական բանկի նախագահ Աբդոլնասեր Հեմմաթիի հետ: Հանդիպումների ժամանակ հուշագրեր են ստորագրվել:  

 

Աղբյուր՝ tert.am

24 Հունվար, 2021 19:39
312
; ;