Բաժանորդագրվեք araratnews-ի տելեգրամ ալիքին։
Կիև այցելած ԱՄՆ բանագնացները սպասում են խաղաղության բանակցություններում առաջընթացի, որոնք ուղղված են Ուկրաինայում պատերազմին վերջ դնելուն, հայտնել է ԱՄՆ բանագնաց Ջարեդ Քուշները:
«Հուսով եմ՝ այս այցի արդյունքում խաղաղության հասնելու առաջընթացը խթանելու նոր ուղիներ կգտնենք։ Կարծում եմ՝ այս այցից շատ բան ենք սովորել»,- ասել է նախագահ Թրամփի փեսան:
Բանակցությունների առաջին փուլից հետո լրագրողների համար արված համատեղ հայտարարության ժամանակ ԱՄՆ մյուս բանագնաց Սթիվ Ուիթքոֆն էլ հայտարարել է, որ այսօր Կիևում Ուկրաինայի առաջնորդ Վլադիմիր Զելենսկիի և նրա թիմի հետ Ռուսաստանի դեմ պատերազմին վերջ դնելու շուրջ անցկացրած բանակցությունները «բովանդակալից» են եղել և կշարունակվեն։
«Մենք շատ բովանդակալից, էական և կարևոր քննարկում ենք ունեցել, և մենք շատ ոգևորված ենք։ Մենք պատրաստ ենք շարունակել այս գործընթացը այնքան ժամանակ, որքան անհրաժեշտ կլինի», - ասել է Ուիթքոֆը։