Բաժանորդագրվեք araratnews-ի  տելեգրամ ալիքին։

Նոյեմբերի 18-ի գիշերը Ռումինիայում 5,3 մագնիտուդով երկրաշարժ է տեղի ունեցել։ Երկրաշարժի էպիկենտրոնը գտնվել է Ներեժու-Միկ բնակավայրից 16 կմ դեպի արևմուտք։ Այս մասին հայտնել է ԱՄՆ երկրաբանական ծառայությունը (USGS)։

Ծառայության տվյալներով՝ ստորգետնյա ցնցումների օջախը գտնվել է 130,8 կմ խորության վրա։ Գրեթե նույն տվյալներն է հրապարակել նաև Սեյսմոլոգիական կենտրոնը (EMSC)։

Ցնցումները զգացվել են նաև Մոլդովայում և Ուկրաինայում։

Մոլդովայի իշխանությունները սկզբում հայտնել էին 6,5 մագնիտուդով երկրաշարժի մասին։ Քիշնևի բազմաթիվ բնակիչներ սոցիալական ցանցերում գրել են, որ գիշերվա ընթացքում արթնացել են ցնցումներից, իսկ բնակարաններում իրերն սկսել են շարժվել և ընկնել։

143