Ապագա բժիշկները ծաղիկներ նվիրեցին դասախոսներին

ԵՊԲՀ ուսանողական խորհրդարանի անդամները Մայրության և գեղեցկության տոնի առթիվ ծաղիկներ նվիրեցին բժշկական մայր բուհի պրոֆեսորադասախոսական կազմին, աշխատակիցներին և ուսանողուհիներին:

Շրջելով ամբիոններում, ուսանողները բազմաթիվ գեղեցիկ մաղթանքներ հղեցին սիրելի դասախոսներին ՝ ընդգծելով նրանց կարևորությունը գիտելիքներ ձեռք բերելու և մասնագիտանալու գործում:

Ուսանողների կողմից կազմակերպված նախաձեռնությունը անակնկալ էր բոլորի համար: Դասախոսները շնորհակալություն հայտնելով կազմակերպիչներին՝ իրենց հերթին բազմաթիվ բարեմաղթանքներ հղեցին նրանց:

Ուսանողական խորհրդարանի անդամները նշեցին, որ նման հաճելի անակնկալները կլինեն շարունակական. hաճախ ժպիտներ կպարգևեն սիրելի դասախոսներին և ընկերներին:

07 Ապրիլ, 2021 14:36
113
; ;