Մոսկվայի տրանսպորտի դեպարտամենտը պատրաստվում է թողարկել ավտոմեքենաների վարձույթի ծառայություն ֆիզիկական անձանց միջև: Դա, այսպես կոչված, «ժողովրդական քարշերինգ» է:
Ինչպես հաղորդում է ՌԲԿ-ն, մեքենաների տերերը կարող են իրենց մեքենաները վարձույթով հանձնել այլ ֆիզիկական անձանց: Միևնույն ժամանակ, հավելվածի օգտատերերը չեն ունենա անվճար կայանատեղի, ինչպես նախատեսված է քարշերինգի ավանդական ծառայությունում:
Նշվում է, որ նոր ծառայությունը նախատեսված է լինելու հիմնականում նրանց համար, ովքեր կարող են երկու շաբաթով արձակուրդ մեկնել և այդ ժամանակահատվածում պատրաստ են իրենց մեքենան հանձնել մեկ այլ անձի: Այսպիսով, դա կլինի ավելի երկարաժամկետ վարձակալություն, քան սովորական քարշերինգն է: Իսկ նման ծառայությունից օգտվելու գինը ավելի ցածր կլինի:
Բացի դրանից, ի տարբերություն ավանդական քարշերինգի, օգտվողը պետք է ինքը հետևի մեքենայի վիճակին: Մասնավորապես, այն պետք է լվանա և լիցքավորի:
Աղբյուր՝ 1in.am