Չդիմե´նք քայլերի, որոնք կարող են տանել անդառնալի կորուստների. ընտրություններին ընդառաջ ԵԿՄ-ն հայտարարություն է տարածել․ ՀԺ

Երկրապահ կամավորականների միությունը երեկ վարչության նիստ է անցկացրել, որը վարել է վարչության նախագահ Սասուն Միքայելյանը:

Նիստի ավարտին, ինչպես տեղեկանում ենք տարածված հայտարարությունից, որոշվել է հունիսի 20-ին կայանալիք ընտրություններին ընդառաջ հայտարարել հետեւյալը.

«Գիտակցելով պահի լրջությունը, համապետական ընտրություններին ընդառաջ, հարկ ենք համարում եւս մեկ անգամ շեշտել.

Երկրապահը ունի առաքելություն՝ տեր լինել մեր պետությանն ու պետականությանը: Դրա համար մեզ անհրաժեշտ է ներքաղաքական կայունություն: Բոլորս քաջ գիտակցում ենք, որ ներքին անկայունությունը կարող է բերել անկանխատեսելի զարգացումների:

Ինչպես պատերազմի, այնպես էլ հետպատերազմական օրերին մենք՝ երկրապահներս, պետության սահմաններում ենք, որպեսզի բանակի հետ ապահովենք մեր երկրի սահմանների անվտանգությունը:

Սիրելի´ հայրենակիցներ

Սահմանների անվտանգությունը կախված է երկրում ներքաղաքական կայունությունից:

Չդիմե´նք քայլերի, որոնք կարող են տանել անդառնալի կորուստների»:

18 Հունիս, 2021 16:10

2198

ԵԿՄ ստեղծման հոբելյանը Օպերայի և բալետի ազգային ակադեմիական թատրոնում

23 Հուլիս, 2023 23:14

Սթափվել է պետք, հակառակորդ երկրի ղեկավարն արդեն հոխորտում ու սպառնում է Զանգեզուրը նվաճելով. ԵԿՄ

12 Մարտ, 2021 19:24

Դժվար է այսօր որեւէ բան ասել, որեւէ շնորհավորանքի խոսք արտահայտել. Սասուն Միքայելյան

01 Հունվար, 2021 02:37

Ավարտվել են «Սասունցի Դավիթ» և «Գործարանային» կայարաններում շարժասանդուղքների փոխարինման աշխատանքները