ՀՀ էկոնոմիկայի նախարարի տեղակալ Տիգրան Գաբրիելյանն Ազգային ժողովի հունիսի 30-ի արտահերթ նիստում առաջին ընթերցմամբ ներկայացրեց Վարչական իրավախախտումների վերաբերյալ ՀՀ օրենսգրքում լրացումներ կատարելու մասին եւ կից ներկայացված օրենքների նախագծերի փաթեթը: Նրա խոսքով` առաջարկվող փոփոխությունները ««Թմրանյութերի եւ հոգեներգործուն նյութերի մասին» օրենքում փոփոխություն եւ լրացումներ կատարելու մասին» օրենսդրական կարգավորումների փաթեթի տրամաբանական շարունակությունն են, եւ, ըստ էության, արտադրական կանեփի արտադրության ճանապարհային քարտեզի անբաժանելի քայլերից մեկը, որը կհանդիսանա զսպող մեխանիզմ հետագայում ոլորտում անբարեխիղճ տնտեսվարողների համար:
Տիգրան Գաբրիելյանն անդարդաձավ արտադրական կանեփի արտադրությամբ, արտահանմամբ, ներմուծմամբ կամ մեծածախ առեւտրով զբաղվելու լիցենզավորման պահանջներին, օրինական շրջանառության վերաբերյալ սահմանված նորմերը խախտելու դեպքերում սահմանված տուգանքներին: