«COVID-19 համավարակի ընթացքում անցկացվել են մի շարք միջոցառումներ, մասնավորապես՝ Ցեղասպանության 105-րդ տարելիցի կապակցությամբ, ապրիլի 24-ին՝ հիշատակի և խոնարհումի համահայկական արարողության ընթացքում, կարճ հաղորդագրությունների միջոցով կազմակերպվել է հայրենակիցների անուն ազգանունների ստացման և վերամշակման գործընթացը: Այս մասին ՀՀ ԲՏԱ նախարարությունը  հայտնում է իր էջում :

Ֆեյսբուքյան էջում ներկայացրել է 2020 թ. առաջին կիսամյակում կապի, հեռահաղորդակցության և փոստային ոլորտում արված աշխատանքները:

 

- ՀՀ ԲՏԱ նախարարությունը մասնակցել է «Տեսալսողական մեդիային մասին» ՀՀ օրենքի մշակման աշխատանքներին, ինչը հիմքեր է ստեղծել մեդիա ոլորտի կանոնակարգման և մոնիտորինգի համար (իրականացումը ՀՌԱՀ կողմից):

- Իրականացվել է «էլեկտրոնային հաղորդակցության մասին» ՀՀ օրենքում փոփոխություններ և լրացումներ կատարելու գործընթացը, որի ընթացքում կազմակերպվել է քննարկում ՀՀ շահագրգիռ մարմինների և «Հայաստանի օպերատորների միություն» ՀԿ-ի հետ:

- ԵՄ ԱլԳ երկրների հեռահաղորդակցության կարգավորողների ցանցում (EaPeReg) գործող ռոումինգի հարցերով աշխատանքային խմբի (REWG) շրջանակում միջազգային ռոումինգի ոլորտում ուսումնասիրություն և վերլուծություն իրականացնող Ernst&Young (EY) ընկերության խորհրդատվական խմբի կողմից մշակվել և հայկական կողմին է ներկայացվել «Արևելյան գործընկերության երկրներում հանրային շարժական կապի ցանցերում միջազգային ռոումինգ ծառայությունների կարգավորման վերաբերյալ համաձայնագրի» նախագիծը և առդիր նյութերը:

Ներկայումս նշված նախագիծը քննարկվում է ՀՀ հանրային ծառայությունները կարգավորող հանձնաժողովի հետ համատեղ:

- Մեկնարկել են Գյումրու՝ 180մ բարձրությամբ հեռուստաաշտարակի կոռոզիոն շերտի վերացման և ներկման աշխատանքները: Նման աշխատանքներ չեն իրականացվել վերջին 20 տարիների ընթացքում:

«Հայփոստ» ՓԲԸ

- Մշակման փուլում է «Հայփոստ» ՓԲԸ-ի զարգացման նոր ռազմավարությունը:

- ՀՀ աշխատանքի և սոցիալական հարցերի նախարարության հետ համատեղ «Հայփոստ» ՓԲԸ-ն մշակել է կենսաթոշակների փոստային անկանխիկ վճարումների համակարգը․ գործարկվել է էլեկտրոնային սարքերի միջոցով կենսաթոշակների վճարման պիլոտային ծրագիրը: Այս գործընթացը փոստային ծառայությունների թվայնացման գլոբալ ծրագրի մասն է կազմում:

 

- Ներդրվել է «Հիբրիդային փոստի» ծառայությունը, ինչն էականորեն նվազեցնում է պետության ռեսուրսների ծախսը:
Ծառայության մեկնարկը տրվել է ԴԱՀԿ-ի հետ համատեղ:

- Վերաբացվել է ԱՄՆ-ի Դելավեր նահանգում գործող «Հայփոստի» դուստր կազմակերպությունը, ինչը կխթանի առևտրաշրջանառությունն ԱՄՆ-ի հետ:

- «Հայփոստ» ընկերությունը պատրաստվում է դուստր կազմակերպություն բացել Չինաստանում:

- Ընթացքի մեջ են Ռուսաստանի Դաշնության փոստային ծառայության հետ երկկողմանի բանակցությունները, որոնց արդյունքում զարգանալու են բազմաթիվ նոր փոստային լոգիստիկ ծառայություններ, այդ թվում՝ ներքին գների հիման վրա Հայաստան-Ռուսաստան միջանցքով փոստային փոխանակումների իրականացումը, ինչն էականորեն կխթանի Հայաստանից Ռուսաստան ծանրոցների, փաթեթների և փոքր բեռների առաքումը:

- Օգոստոսի 12-ին Տավուշի մարզի սահմանամերձ Բարեկամավան գյուղում կայացավ «Հայփոստ» ընկերության կոնցեպտուալ նոր տիպի բաժանմունքի բացումն ու գործարկումը: «Գյուղում՝ ինչպես քաղաքում» կարգախոսի ներքո մեկնարկած «Հայփոստի» զարգացման նոր ընդգրկուն ծրագրի շրջանակներում նախատեսվում է սահմանային համայնքներում փոստային ենթակառուցվածքի արդիականացման միջոցով հասանելի դարձնել պետական, ֆինանսական, դրամահաշվարկային մի շարք ծառայություններ:

- Բարձրացվել են Հայաստանի փոստային կապի ազգային օպերատորի շուրջ 1300 աշխատակցի աշխատավարձերը՝ միջինում 20-25%-ի չափով:

- Ռուսաստանի Դաշնության փոստային ծառայության հետ համատեղ արդեն գործում է «PosTransfer» դրամական փոխանցումների նոր համակարգը, որն առաջինն է տարածաշրջանում: Համակարգը հնարավորություն է ստեղծում Հայաստանից Ռուսաստան և հակառակ ուղղությամբ դրամական փոխանցումներ կատարել Հայաստանի և Ռուսաստանի բոլոր բաժանմունքներում ընդամենը 1,2% միջնորդավճարով:

Հայաստանում դրամական փոխանցումները սպասարկվելու են ավելի քան 800 փոստային բաժանմունքներում, իսկ ՌԴ-ում՝ ավելի քան 30 000 սպասարկման կետերում, ինչը նշանակում է, որ այսուհետ «Հայփոստի» միջոցով դրամական փոխանցումները հասանելի կլինեն ցանկացած՝ նույնիսկ ամենահեռավոր համայնքում»,- ասվում է հաղորդագրության մեջ:

54